Hvert skref skiptir máli
Magnús Máni neitaði að gefast upp. Nú hlaupum við fyrir hann.
Í fyrra söfnuðust rúmlega 17 milljónir.
Saga Magnúsar Mána — trú, seigla og þrautseigja
Á einum degi breyttist allt
Þrettán ára strákur sem lifði fyrir íþróttir. Eftir stutt veikindi — háan hita og hálsbólgu — missti Magnús Máni skyndilega máttinn fyrir neðan bringu. Líf fjölskyldunnar breyttist á einum degi.
Læknir reyndi að taka frá þeim alla von
Gjörgæsla og Barnaspítalinn tóku við. Sjö dögum eftir áfallið sagði læknir að hann yrði í hjólastól alla ævi. Fjölskyldan ákvað að hlusta ekki — og byrjaði strax að leita leiða.
Nútíma endurhæfing ekki til á Íslandi — Endurhæfing heima, dag eftir dag
Fjölskyldan komst í kynni við indverskan aðila, Rahul Bharti, með yfirgripsmikla þekkingu á taugakerfinu. Lærlingur á hans vegum, Peter frá Póllandi, kom heim til Magnúsar í þrjá klukkutíma á dag í heilt ár, síðan tók Maciej, pólskur sjúkraþjálfari, við. Samhliða æfði Magnús hjá Sjúkraþjálfuninni í Sporthúsinu með Hildi Kristínu og Bjarka ásamt fleiru yndislegu fólki. Engir frídagar, bara skref eftir skref.
Stjarnan á jólatrénu
Markmiðið var sett um haustið: að standa fyrir jól. Á aðfangadag STÓÐ Magnús Máni og setti stjörnuna á toppinn á jólatrénu. Það var stundin sem sannaði að þetta væri hægt.
26 vikur í hátæknilegri endurhæfingu
Magnús Máni hefur verið samtals 26 vikur í sérhæfðri hátæknivæddri endurhæfingu í Madríd sem ekki býðst á Íslandi. Mikill kostnaður fylgir því sem ríkið tekur lítið sem engan þátt í.
Magnús Máni gekk síðustu 200 metrana
Umkringdur fjölskyldu og vinum gekk Magnús Máni síðustu 200 metrana í mark. Ógleymanleg stund sem enginn viðstaddur gleymir.
Nám í Verzló, áframhaldandi endurhæfing og bati
Í dag gengur Magnús Máni með göngugrind og er einnig farinn að æfa sig að ganga með hækjur. Hann er kominn inn í Verzlunarskóla Íslands — þrátt fyrir að hafa misst úr allan 8. bekk og hluta úr 9. bekk. Batinn heldur áfram og Magnús og fjölskyldan halda ótrauð áfram.
Endurhæfingin kostar um 40 milljónir — og fjölskyldan hefur borið hana nánast ein
Sérhæfð endurhæfing sem ekki býðst á Íslandi, dagleg þjálfun heima og ferðir til Madríd hafa kostað um 40 milljónir króna hingað til. Íslenska ríkið hefur aðeins tekið örlítinn þátt í kostnaðinum.
Samkvæmt 24. grein barnasáttmála Sameinuðu þjóðanna á barn rétt á bestu mögulegu heilbrigðis- þjónustu og endurhæfingu. Fjölskyldan hefur þurft að berjast fyrir hverju skrefi sjálf — og hún gerir það áfram, með hjálp frá fólki eins og þér.
Svona getur þú hjálpað
Heita á hann
Áheit í gegnum Hlaupastyrk renna beint í áframhaldandi endurhæfingu Magnúsar Mána. Hver króna telur.
Heita á Magnús MánaHlaupa fyrir hann
Skráðu þig í Reykjavíkurmaraþonið og veldu Styrktarfélag Magnúsar Mána sem þitt góðgerðar- félag. Sama hvaða vegalengd — hvert skref skiptir máli.
Hlaupa með okkurDeila sögunni
Saga Magnúsar Mána hreyfir við fólki. Deildu henni með vinum og vinnufélögum — það kostar ekkert en skilar ótrúlega miklu.
Styrkja beint
Þú getur líka lagt beint inn á reikning styrktarfélagsins.
Hlaupararnir okkar
Fjölskylda og vinir hlaupa í Reykjavíkurmaraþoninu fyrir Magnús Mána. Þú getur heitið á hvern og einn hlaupara á opinberu söfnunarsíðunni á rmi.is — hvert áheit fer beint í áframhaldandi endurhæfingu.
Vilt þú hlaupa fyrir Magnús Mána? Skráðu þig í Reykjavíkurmaraþonið og veldu Styrktarfélag Magnúsar Mána.
Umfjöllun og samfélagsmiðlar
Saga Magnúsar Mána hefur snert marga og fjölmiðlar hafa fylgst með ferðalaginu.
Missti máttinn fyrir neðan bringu en gengur á ný
Viðtal við Magnús Mána og fjölskyldu hans um áfallið, endurhæfinguna og fyrstu skrefin.
Lesa umfjöllun SjónvarpsinnslagTilfinningaþrungin stund þegar Magnús Máni kom í mark
Innslag um síðustu metrana í Reykjavíkurmaraþoninu og stuðningshópinn.
Lesa umfjöllun FréttMagnaðir lokametrar Magnúsar Mána
Frétt um ógleymanlega markkomu Magnúsar Mána í Reykjavíkurmaraþoninu.
Lesa umfjöllun
